Cael Cymorth: Cymru

“Shwmae, rwy’n byw yn Ne Cymru, gyda chysylltiadau cryf â Cheredigion a Sir Benfro. Cymro Cymraeg ail iaith ydw i, gyda gwybodaeth dda o Gymru gyfan, o fynd ar daith a cherdded ar y bryniau, sy’n ddiddordeb brwd. Mae gen i 20 mlynedd o brofiad o waith cefnogi a datblygu cymunedol, gan weithio gyda phrosiectau llawr gwlad a gwirfoddolwyr. Mae hyn yn cynnwys y sectorau ffydd, cefn gwlad, bwyd a diod, gofal plant ac addysg. Rwy’n edrych ymlaen at fynd allan a chwrdd â chi yn eich eglwys, eich capel a’ch cymuned.”

Mae eglwysi, capeli a thai cyrddau mewn perygl difrifol o gau ac felly mae’n bwysig edrych ar atebion creadigol i sicrhau bod yr adeiladau hyn yn cael eu cadw ar agor a’u bod yn cael eu defnyddio am genedlaethau i ddod. Mae Cherish yn ein helpu i dargedu cymorth at feysydd allweddol lle rydym mewn perygl mawr o golli treftadaeth amhrisiadwy.

Mae 'For Churches', ein strategaeth newydd, yn gynllun uchelgeisiol sy'n nodi'r ffyrdd y byddwn yn cefnogi eglwysi ar draws y DU am y tair blynedd nesaf.

Mae’r gymuned hon ar gyfer pobl sy’n gwirfoddoli, gofalu a gweithio i eglwysi, capeli neu dai cyfarfod yng Nghymru, yn ogystal â phobl a sefydliadau sydd am gefnogi’r mannau addoli hyn i fod mewn cyflwr da ac mewn defnydd. Os mai chi yw hwn, byddem wrth ein bodd pe baech chi’n ymuno ac yn helpu i gadw'r adeiladau hyn mewn cyflwr da ac yn agored i bawb.